Ditu iya nya pasal kompeni aku, Panggau Buluh Pengerindu ti mai rentak baru dalam dunya recording. Dalam recording aku ngena “Pro Tools” lalu belajarka sound engineering ari siku orang ti pemadu landik ba menua kitai Asia tu. Amat chara recording tu bisi tusah mimit dipelajar tang ngereja pengawa ngena iya chukup nyamai sereta muntang. Lalu ba Industri Muzik kitai Iban iya tau dikumbai agi baru laban semina beberapa iku aja penanyi recording ngena iya lalu ke bukai agi ngena analog tauka digital recorder. Naka ke diatu, PBP mayuh nerima sukung enggau tulung ari orang ti landik dalam perengka video. Nya mih ngasuh video ke digaga di PBP mayuh nyelai ari video klip Iban bukai. Ambi ke chunto ba lagu Chechungin, Kelab Bujang Tuai enggau lagu Pengerindu Teberunsai, diak aku belakun nyadi apai indu, indu dara, orang bujang enggau orang betanda bebala mayuh seretai. Reti nya enti enda diperati enggau manah kitai tentu saru ngumbai orang ke belakun nya lebih ari 5 iku. Tang ke bendar 3 iku orang ke belakun ba TV nya endang aku memagang. Nya kebuah chara shooting enggau editing PBP bisi nyelai mimit lalu video klip tu mih video klip Iban keterubah digaga baka nya, taja ba filem suah dipeda kitai baka pelakun Jacky Chan dalam filem Twin Dragon enggau Rosyam Nor dalam filem Kastelo.
